Arngut ki rang ba kham shait nait
Ki ïa shongkai halor ki pait
Harud footpath ki peit jawdud
Ïa dur bhabriew jong i thei lud.
Theilud pyrieid i ïaid kynjai
Ha kti i bat laka mobai
La ka lynti i klet ban peit
Ba i bunkam eh haka text.
Ki rang hangta ïa i ki siaw
Theilud im bna im i patiaw
Ki rang ryngkat ka jingishrai
Ki lap ka ngiah shawei ki phai.
Hadien shiphang ba sngew sahnud
Ki mut peit biang sha i theilud
Shi khyllipmat i jah shaei ?
"Keiñ noh lah dei ka puri blei"
Hangta ki rang ka khlieh ki phieng
Baroh arngut kila kem tieng
Ki la pyrkhat ruma rutit
Kan jia aiu da thiah shibit.
Wow rap! Wow rap! Ki sngew ka sur.
Hangta lei lei ki kylla dur.
Khala khala ki mut ban phet
Hamar hangta don ba kynteit.
U wei u briew ba ïaid lynti
Na kham pajih u khaweh kti.
Kloi kloi wut wut ïaki u ong
Kat nang pynslem u nang ingkhong.
Khatduh baroh arngut ki leit
Shajan ki tur ba kin leit peit.
Ha 'liew muri i la shu ud
I ne lyngktop da i theilud.
I puriblei i shu shri ïam
Ka dur ka dar ruh la rymbaiñ
Ka khmut ka khmat kala saw haiñ
Ka met daki jaboh jabaiñ.
"Sngewbha seh bah ïarap leit buh."
"Nangne ban ïeng ruh ngam lah shuh"
"Wat ym khuslai ko thei baieid
Shipor la poi one zero eight.
No comments:
Post a Comment